السلام عليكم
*آه من قلب تولع في هدب عينك مصابه...واصل فيه الهيام إن قلت مجنونك قليل*
صورتك بين الرموش ومقلتي معها قرابه...لو أشوف الكون كله لصورتك يبقى ظليل
كنه العالم لطيفك اصبح لكوني سرابه...حتى لو غمضت عيني طيفك لجفني عديل
تسألني عن غلاتك وانت أدرى بالاجابه...كل نبضه من خفوقي تقدم لحبك دليل
الزمن مني تعجب شاف بافعالي غرابه...ماسك بزمام وقتي وراكب بالشوق خيل
حبي المضمار وانت خط سيري وانسيابه...لو جمح خيلي ويجمح للنهايه مستحيل
ومستحيل القلب عنك يوم يعلن انسحابه...لو غدر فيه الزمن والشيب في أرضه نزيل
تبقى انت له أمير ونشوة العمر وشبابه...ما يهم اللي تبدل وادري بعد الجيل جيل
وكل شخص له زمان ودولة فيها انتسابه....وأنا روحي في غرامك مالها موطن بديل
*موكل اللحظات عني لو تبي أكثر إجابه....الزمن لو جاب عاشق ما أظنه لي مثيل*